Սոցիալապես անապահով ընտանիքների խնդիրների նկատմամբ անտարբեր
չեն նաև ուսանողները: Գորիսեցի Հեղինե Դալլաքյանը
Պետական բժշկական համալսարանի իր համակուրսեցիների
հետ միասին նախաձեռնել են բարեգործական ակցիա` բազմազավակ ընտանիքներին աջակցելու նպատակով:
Ուսանողների ջանքերով ձեռք է բերվել հագուստ, որոնք բաժանվել են բազմազավակ ընտանիքներին: Ձեռք բերված հագուստը Գորիսի Կանանց զարգացման “Ռեսուրս կենտրոն” հիմնադրամում
բաժանվել է սոցիալապես անապահով ընտանիքներին: 9-ը երեխաների մայր Էլիկ Հարությունյանն
առաջինն է ստացել իրենց ընտանիքին հասանելիք փաթեթը: Բազմազավակ ընտանիքի մայրը շնորհակալություն է հայտնել
երիտասարդներին ընտանիքին աջակցելու համար: Սա ուսանողների նախաձեռնության մի մասն
է, նրանց կողմից ձեռք են բերվել նաև փափուկ խաղալիքներ, որոնք ուղարկվել են Գորիսի
տարածաշրջանի Կոռինձոր գյուղի մանկապարտեզ: Նախաձեռնության հեղինակների խոսքերով` սա
շարունակական բնույթ է կրելու, փորձելու են առավել մեծ թվով երիտասարդների ներգրավել
բարեգործական նախաձեռնություններում` օգնելով դրա կարիքը զգացող ընտանիքներին:
,,Շառավիղ,, ակումբ
